Պավլիկ Մանուկյանին 9, Վարուժան Ավետիսյանին 8 տարի 9 ամիս, Սմբատ Բարսեղյանին՝ ցմահ. ինչ պատժաչափեր միջնորդեց դատախազը

Պավլիկ Մանուկյանին 9, Վարուժան Ավետիսյանին 8 տարի 9 ամիս, Սմբատ Բարսեղյանին՝ ցմահ. ինչ պատժաչափեր միջնորդեց դատախազը

Factor.am — «Սասնա ծռեր» խմբի տասն անդամի գործով դատական նիստը մոտեցավ իր ավարտին: Այսօր դատավոր Մեսրոպ Մակյանի նախագահությամբ կայացած նիստում դատախազները հանդես եկան մեղադրական ճառերով:

Նրանք պահանջեցին խմբի անդամներին մեղավոր ճանաչել ՀՀ քրեական օրենսգրքի 218-րդ հոդվածի 3-րդ մասի 1-ին կետով (Կազմակերպված խմբի կողմից պատանդ վերցնելը), 235-րդ հոդվածի 3-րդ մասով (ապօրինի զենք պահելը), 238-րդ հոդվածի 4-րդ մասի 1-ին ու 2-րդ կետերով (կազմակերպված խմբի կողմից զենք հափշտակելը) և 104-րդ հոդվածի 2-րդ մասի 1-ին, 2-րդ, 3-րդ և 11-րդ կետերով` (հասարակական պարտքի կատարման համար երկու կամ ավելի անձանց զուգորդված՝ մարդուն առևանգելով կամ պատանդ վերցնելով սպանությունը):

Հուլիսի 17-ին ՊՊԾ գնդի գրավման ժամանակ մահացել էր ոստիկանության փոխգնդապետ Արթուր Վանոյանը, իսկ հետո՝ Գագիկ Մկրտչյանը և Յուրի Տեփանոսյանը: Վերջինը, ըստ պաշտոնական հաղորդագրության, մահացել էր դիպուկահարի կրակոցից:

Դատախազը նշեց, որ կատարված հանցագործությունները հանրային չափազանց մեծ վտանգավորություն են ներկայացնում և ամեն մեղադրանքը առանձին 8-10 տարվա ազատազրկում է նախատեսում: Նա նշեց, որ համաներում պիտի լիներ, որը կմեղմացներ պատժաչափը, սակայն, ինչպես տեղեկացրել ենք, տուժողներն առարկել էին, և դա այս դեպքում չգործեց:

Добавить комментарий

Ваш адрес email не будет опубликован. Обязательные поля помечены *